Тугæйдзаг дзæнгæрæг

Тугæйдзаг дзæнгæрæг
Тугæйдзаг дзæнгæрæг
Тугуарæнтæ кодта,
Беслæны скъолайы
Ахуырдзау сабитæ
Тугмæцæн фæкодтой…
Хъæддаг дуг æрыздæхт,
Сырдты дзуг æрхъула,
Дидзидай сабитыл
Сæ фæттæ æндзарынц.
О, арв уæ æрцæва!
О, «дон-дон» кæнгæйæ
Мæрдон сæфт ыссарат!
Кæд сабиты фæстæ,
Сылгоймæгты фæстæ
Уæхицæй хæстонтæ
Цы ныфсæй аразут,
Кæд сабиты хъуырæй,
Æвзонг гуырдты хъуырæй
О, «дон-дон» фæкæной
Уæ туг уа,уæ хъæстæ,
Кæд дзидзидай гуырдтыл
Нæмыг-их куыд калут.
2
Хъæддаг сырдты дуг раздæхти фæстæмæ,
Беслæныхъæуы равзæрта бынат.
Хъæддаг сырдты дзуг сабиты зæрдæтæм
Ныццарæзтой сæ марг æмæ сæ фат.
Нæ сæм хъары ныййарæджы тæригъæд,
Сыгъдæг удты зæрдæхалæн цъæхахст.
Сæ тæригъæдæй дун-дуне нызмæлыд,
Хуыцаумæ' рвиты дун-дуне йæ хъаст:
Кæлмæрзæнты уæ лæгхъæстæ фæхæтой,
Уæ сылгоймæгтæ мауал феной лæг,
Кæд устытæ' мæ сабиты чъылдымæй
Æнæуæрдон цы сарæзтат уæ хæст.
Хъæддаг сырдты дзуг Иры фидæн 'вдарзы,
На сабыр сахар тугзæйтæ ысси.
Æвзонг саби йæ мады тугтæ 'рсарфы,
Фæлæ йын хъал куы нал кæны гыцци…
Сæдæгæйттæ сты ахæмтæ -фылдæртæ,
Бындурзылд баци рухс фидæн –зынгхуыст.
Кæмæндæрты дзы нал арынц сæ мæрдтæ,
Сæ тæригъæдæй дун-дуне нынкъуыст.
О Стыр Хуыцау!
Ызнæгтимæ нæ макуы скæн æмсæртæ,
Сæ фæндæгтыл уæлахизæн нын суæлдай кæн хъару,
Нæ зынгхуыст сабиты зæрдæхалæн бæллæхтæ
Нæ адæмы куыд ыскæной сæ фидæныл
Æмуд!
Касаты Батрадз