«Æз дӕн Ирыстоны фӕрдыг»

«Æз дӕн Ирыстоны фӕрдыг»

И.К. Канидийы номыл интернаты æнтысджынæй ацыдис æхсæнадон змæлд «Иудзинад» - арæзт ацы азы муниципалон æркаст-конкурс «Ирон дæн æз» - ы фыццаг къæпхæн.

Æвæццæгæн, зæххыл ахæм тых нæй, æмæ сылгоймагимæ кæй ис абарæн. Сылгоймаг у хуры тынаурæсугъд æмæ фæлмæн. Сылгоймаг у фарн æмæ амондхæссæг. Уæздан чызг, æгъдауджын, æфсармджын уыдкæддæриддæр кадджын ирон адæммæ.

Æркаст-конкурсмæ цы æрыгон чызджытæ рахизтысты, уыдон царды мидæг акодтой фыццаг бæрнон къахдзæфтæ, бирæ диссаджы сгуыхтдзинæдтæ бафтыд сæ къухы, ӕмӕ фæзминагæй равдыстой сæхи. Сты ахуырыраззагдæртæ, æгъдауæй, æфсармæй хайджын. Зӕрдиаг куыст семӕ бакодтой сӕ ахуыргӕнджытӕ.

Нæ чызджытæ ирд ахорæнтæй равдыстой нæ рагфыдæлты рæсугъд, æнæмæлгæ æгъдæуттæ. Базонгæ нæ кодтой, куыдзонынц нӕ мадæлон æвзагыл аив дзурын, равдыстой сæ хъарутæ, сæ арæхстдзинад кафынæй, зарынæй.

Муниципалон этапы архайдтой 7 ахуырдзауы районы скъолатæй: Беслæныхъӕуы 4-æм, Ног Батахъойы хъæуы, Ольгинскӕйыхъæуы, Фарныхъӕуы, Заманхъулы, Бӕтӕхъойыхъӕуы, И.К. Канидийы номыл интернаты минæвæрттæ. Æркасты архайæг æвзонг чызджытæ хорз сарæхстысты радзурынмæ æмæ равдисынмæ конкурсы хæслæвæрттæ.

Æркасты жюрийы уæнгтæ кæронбæттæны фехъусынкодтой, ерысдзаутæй чи цы бæрæггæнæнтæ æмæ бынæттæ райста, уыдон:

•1 бынат - Белликаты Аминӕ - Ольгинскӕйы хъæуы астæуккаг скъолайы 10 къласы ахуырдзау, ахуыргæнæг Хъараты Фатимӕ ;

•2 бынат - Хъалтураты Каринӕ - Фарны хъæуы скъолайы 10 къласы ахуырдзау, ахуыргæнæг ХутъинатыМаринӕ;

•3 бынат - Туаты Кристинӕ - Ног Бӕтӕхъойы хъæуы астæуккаг скъолайы 8 къласы ахуырдзау, ахуыргæнæг Уататы Верӕ.

Æркаст-конкурсы архайджытæ æмæ сæ ахуыргæнджытæ хорзæхджынгонд æрцыдысты «Иудзинад»-ы Кады гæххæтытæй æмæ зæрдылдарæн лæвæрттæй.


Æз бузныг дӕн Хуыцау ӕмӕ фыдӕлтӕй:

Кӕй дӕн ирон, мӕ цӕрӕн ам кӕй ис.

Æрвылбон дӕр сыгъдӕг цъӕх-цъӕхид арвыл

Тӕмӕнтӕ калгӕ хуры фӕд кӕй ис.